Titirijai: tradizio eta magia hurbiletik

Tolosa azaroaren 23tik abenduaren 1era txotxongiloen munduko hiriburu bihurtuko da Titirijai Txotxongilo Jaialdiaren edizio berri batekin. 

1983tik egiten den kultur ekitaldi hau ezinbesteko hitzordu bihurtu da haur eta helduentzat, herritarren eta bisitarien bihotzetan toki berezia irabazi baitu.

Txotxongiloen Hitzordu Magikoa

Jaialdiak ikusleen aurrean txotxongilo antzezlanak aurkezten ditu formatu eta teknika desberdinetan. Aukera aparta da arte forma berezi honek duen indarra eta aniztasuna ezagutzeko. Aurten ere, programak emanaldi ugari eskainiko ditu Tolosako hainbat txokoetan. Familientzako antzerkiak eta ikuskizunak izango dira, baina baita helduentzako saio bereziak ere, txotxongiloek adin guztietako ikusleak liluratzeko duten ahalmena erakutsiko dute beste behin!

 

42. edizio hau berezi-berezi dator

 

Titirijai berezia izango da, izan ere, duela 15 urte TOPIC zentroa ireki zeneko data berezi batera hurbiltzen ari gara. Urteurren honek Titirijaiko programazioan ere bere lekua izango du, eta horretarako, urte hauetan zehar beren esperientzia eta ikuspegia partekatu nahi duten TOPIC zentroaren sortzaileak bilduko dira. Ekitaldi honen bidez, proiektuaren hasieratik egon diren ahotsak entzuteaz gain, Estatu osoan eredu bihurtu den zentro honek etorkizunera begira jarrai dezan zer norabide izan dezakeen aztertuko da.

 

Gainera, Tolosako TOPIC, Bartzelonako Teatro La Puntual eta Huescako Abizandako La Casa de los Títeres txotxongilo-etxeak senidetze ekitaldi berezi batekin ospatuko dute aurten jaialdia. Senidetzearen bidez, hiru erakundeen pribilejioak, konpromisoak, eskubideak eta betebeharrak sinatu dira. Hiru etxe hauek, libertate eta bizikidetzaren izenean, txotxongiloaren artea etorkizunera begira indartzeko asmoa adierazi dute. 

Beraz, badago zer ospatu!

 

 

Tolosara etortzeko gonbidapena

Tolosako Titirijai Jaialdiak aukera paregabea eskaintzen die txotxongiloen maitaleei eta antzerkiaren zirrara berezia bizi nahi duten guztiei: irudimenak hegan egiten du, arte berezi honekin konektatzeko aukera emanez. Ez galdu Titirijai Jaialdia eta zatoz Tolosara gune bihurtzen den une berezi hau ezagutzera!

Hemen topatu dezakezu egitarau osoa. 

Eta hemen erosi ditzakezu sarrerak.