Hemen zaude

ESNEKI 2025: Euskal Herriko Gazta eta Esnekien IV. azoka berezia Tolosan

2025/11/03 |

Azoka

Ohiko txapelketa eta azokaz gain, dastaketak eta familia osoarentzako jarduerak ere aurkitu ahal izango ditugu bertan.

Azaroaren 8an, Tolosak berriro hartuko du ESNEKI, Euskal Herriko Gazta eta Esnekien Azoka Berezia. Euskal Herriko zazpi lurraldeetako ekoizle onenak elkartuko dira bertan, gure esne-sektorearen aniztasuna, kalitatea eta jakintza erakusteko.

Azaroak 3, astelehena

9:30

‘Gosari-Hamaiketakoa’ Herrikide eta Laskoraingo ikasleekin.

Emeterio Arrese

Azaroak 6, osteguna

18:00

‘Errapetik Ahorainoko Bidea’: familientzako esperientzia hezigarria. Behiak jeztetik esnekiak eraldatzera.

Beotibar Pilotalekua

Azaroak 7, ostirala

11:00

‘Gosaria’ Samaniegoko ikasleekin.

Emeterio Arrese

Azaroak 8, larunabata

09:00	IV. Euskal Herriko Gazta eta Esnekien Azoka Berezia	Trianguloa Plaza
10:00	IV. ‘ESNEKI’ Txapelketa: Euskal Herriko gazta eta esneki mota guztien txapelketa	Beotibar Pilotalekua
10:00	Euskal Herriko Gazta Mahaia - Euskal gazten aniztasuna ezagutzeko dastaketa gidatua	Beotibar Pilotalekua
11:00	Txapelketako gazten dastaketa: epaimahaiak gaztak dastatu eta baloratu ahala, publikoaren artean banatuko dira dastatzeko.	Beotibar Pilotalekua
11:00	‘Esnetan’ jarduerak familientzat	Artxibo Historikoaren ingurua (San Frantzisko pasealekua)
13:00	IV. ‘ESNEKI’ Txapelketa: sari-banaketa	Beotibar Pilotalekua

IV. Euskal Herriko Gazta eta Esnekien Azoka Berezia

Tolosako kaleak usain eta zapore bereziz jantziko dira. Triangelu plazan eta San Frantzisko pasealekuan egingo da Euskal Herriko Gazta eta Esnekien Azoka Berezia, eta 24 postu egongo dira bertan, erosi, dastatu eta gozatzeko aukera emanez:

Ekoizlea	Izen Komertziala	Herria	Produktuak
Iñaki Eceiza Fernandez de Landa	Zelaitxo	Anua (Araba)	Ahuntz gazta ondua
Beñat Telleria Insausti	Telleria Gaztak	Mutiloa (Gipuzkoa)	Behi gazta ekologikoa, samurra eta urdina
Zazpe Erro Luis Andres & Zazpe Urmeneta Aitor & Koldo	Pirineki	Aurizberri (Nafarroa)	Jogurtak, esnea, gaztak
Amaia Laskurain Gil	Amatxo	Antzuola (Gipuzkoa)	—
Alex Cipres Tiscar	Kaiolar Gazta	Otsagabia (Nafarroa)	Ardia, ahuntza eta behi-ardi gaztak
Gorka Flores Uncilla	Poxtiñeneko Gazta	Arbizu (Nafarroa)	Ardi gazta
Eneko Serrano Moscoso	Lusuri Gaztak	Orozko (Nafarroa)	Ardi gazta, gazta freskoa, ondua eta urdina
Olatz Egurcegui Zurbano	Eguralde Gazta	Arluzea (Araba)	—
Euskal Baserri Bat SL	Mahala	Leaburu (Gipuzkoa)	Behi esnea, gaztak, jogurtak, gazta tarta
Urruela SC	Soloitza	Arespalditza (Araba)	Behi gazta freskoa, gazta urdina eta jogurt naturala
Ezama Enea Ez	Urraki Esnekiak	Errezil (Gipuzkoa)	Jogurra, behi gazta ondua, urdina, gurina, behi esnea
Biribil Brothers SL	Biribil Brothers	Bilbo (Bizkaia)	Mozzarella, burrata, stracciatela, mantekila…
Goine Berria SL	Goine	Asteasu (Gipuzkoa)	Gaztak
Arantxa Larrarte	Bizkai Etxe Gaztandegia	Ibarra (Gipuzkoa)	Gazta ondua eta gazta urdina
Gaztagune SL	Elkano 1 Gaztagune	Donostia (Gipuzkoa)	Gazta onduak eta gazta bigunak
Garoa SC	Garoa Gaztak	Zerain (Gipuzkoa)	Esne gordinez egindako ardi gazta
Ohian Txiki Kooperatiba	Ohian Txiki Kooperatiba	Orexa (Gipuzkoa)	Gaztak eta esnekiak
Aritz Eizaguirre Urain	Xarrondo Esnekiak	Zestoa (Gipuzkoa)	Esne pasteurizatua, gazta freskoa eta jogurtak
Lorena Costas Magunacelaya	Otxauntz	Otxandio (Bizkaia)	Ahuntz gazta
Lacteos Las Tres Sierras SL	Lacteos Las Tres Sierras	Cintruénigo (Nafarroa)	Ahuntz, behi eta ardi gazta
Gorka Diaz Lopez	Lezaun Gazta	Lezaun (Nafarroa)	Gazta eta gazta krema
Gerardo Garmendia Salsamendi	Haitzberri	Zaldibia (Gipuzkoa)	Idiazabal gazta eta gazta krema
Paxkal Larramendy	Irigoinia	Hazparne (Lapurdi)	Ardi, behi eta ahuntz gazta
Granja Murrieta	—	Murrieta (Bizkaia)	—

IV. ‘ESNEKI’ Txapelketa: Euskal Herriko gazta eta esneki mota guztien txapelketa

Beotibar pilotalekuan izango da Euskal Herriko gazta eta esneki guztien IV. txapelketa. Aurten, 38 gaztandegitako 86 erreferentzia izango dira lehian.

Txapelketa hau eguneroko lanaren aitortza da: kalitatearen eta iraunkortasunaren aldeko apustua egiten duten ekoizle guztiei omenaldi txiki bat.

Euskal Herriko Gazta Mahaia - Euskal gazten aniztasuna ezagutzeko dastaketa gidatua

Aurreko edizioetan arrakasta handiena izan zuen jarduera ere itzuliko da, Euskal Herriko Gazta Mahaia; Euskal gazten aniztasuna ezagutzeko dastaketa gidatua. Bertan, azokan eta lehiaketan parte hartuko duten gazta desberdinak ezagutzeko eta haien aniztasunaz gozatzeko aukera izango da.

Dastaketa 30 minutoko 4 txandatan banatuko da: 10:00, 10:45, 11:30 (gazteleraz) eta 12:15.

Horrez gain, familientzako bi tailer antolatu dira, azaroaren 6an eta 8an, esnearen eta gaztaren mundua modu dibertigarrian ezagutzeko.

Azaroaren 8an, hurbil zaitez Tolosara eta dastatu bertako esnekirik onenak.