Usted está aquí
MusikHerria, Tolosarrak dantzan jartzeko beste arrazoi bat
Larunbat honetan ez da aitzakiarik egongo dantza, kantu eta musikaz gozatzeko Tolosan, MusikHerria jaialdiaren zortzigarren edizioarekin.
Musikak atsedenik hartzen ez duen herria gara, beti dugu zerbait ospatzeko, eta dena, musikaren erritmora ospatzen dugu; txaranga bat, kontzertu bat, artista bakarti bat, dultzaineroak… hainbeste, egun bat gure musika-artistei ospakizuna eskaintzen diogula.
Dultzainero taldeek eta Incansables txarangak esnatuko dute herria eguneko lehen notekin. Goizean ere, Tolosako musika eskoletako ikasleak kaleak alaitzen entzuteko aukera izango dugu.
Eguerditik aurrera, herriko abesbatzei emango zaie txanda, Tolosa Kantari (Alde Zaharretik) eta hainbat abesbatza talderekin Plaza Berrian eta Lopez Mendizabal Plazan.
14: 30etan herri bazkaria egingo da Tolosako Zerkausian. Bertan, Laskorain ikastolak bazkaria prestatuko du eta lortutako etekinak Zutani Elkartearentzat izango dira. (Txartelak Xirimiri eta Orbela tabernetan salgai)
Arratsaldean, musika ez da gelditzen! Les incognitos taldeak Alde Zaharreko kaleak alaituko ditu, eta gauean, festa Plaza Berrira pasako da, Aldapeko Basque Latin Jazz taldearen kontzertuaz eta Laiotz taldearen erromeariaz gozatzeko.
.jpg)
Presta zaitez etengabe dantzan aritzeko eta ahalik eta gehien gozatzeko egun bat datorrelako
